Mjög erfið fjárhagsstaða Ríkisútvarpsins hefur bitnað á Textavarpi sjónvarpsins, sem fært hefur landsmönnum fréttir síðan fyrir tíma internetsins.

Þegar farið er inn á síðu 511, þar sem hingað til hefur verið hægt að nálgast upplýsingar um kvikmyndir, kemur hins vegar stutt yfirlýsing frá Ríkisútvarpinu, þar sem segir: „Vegna niðurskurðar hjá Ríkisútvarpinu hefur verið ákveðið að draga úr vinnu við það. Meðal þess sem ákveðið hefur verið að leggja niður eru bíósíðurnar og upplýsingar um vinsælustu kvikmyndirnar.“