Illugi Gunnarsson, þingmaður Sjálfstæðisflokksins, ætlar að bregða undir sig betri fætinum um jólin og taka stöðu organista í Flateyrarkirkju á aðfangadag. Frá þessu greinir fréttavefurinn Bæjarins besta á Ísafirði.

Þetta er ekki í fyrsta skipti sem Illugi tekur stöðu organista í kirkjunni því hann stóð einnig vaktina í kirkjunni eftir snjóflóðið á Flateyri veturinn 1995. Þá var ég með öðrum stólum við orgelið þegar ég starfaði við verksmiðjuna Skelfisk. Ég hef hlaupið í skarð orgelleikara hjá kirkjunni áður á jólum þegar þau hafa lent í vandræðum með orgelleikara. Þau hafa verið svo hörmulega illa stödd áður að þau hafa þurft að leita til mín,“ segir Illugi og hlær í samtali við Bæjarins besta.

Frétt Bæjarins besta