Samkvæmt rannsókn eru það þúsundir ungra manna á Gasasvæðinu sem eru háðir verkjalyfjum vegna streitunnar sem fylgir því að búa á landsvæði þar sem eru ítrekuð átök Palestínumanna og Ísraela.

Námsfólk, verkafólk og aðrir kaupa verkjalyfið tramadol í stórum stíl. Það hefur svipaða virkni og morfín, en vægari. Einn þeirra sem stóðu að rannsókninni áætlar að um þrjátíu prósent karlmanna á aldrinum 14 til 30 ára noti lyfið reglulega og að allt að 15.000 manns séu háðir því.