Níu ára gamall drengur varð fyrir jeppabifreið á Breiðumörk í Hveragerði á föstudag. Slysið varð með þeim hætti að drengurinn var að renna sér á snjóþotu niður brekku er snjóþotan tók stefnu út á götuna í veg fyrir jeppabifreiðina.

Drengurinn hlaut áverka á höfði og var fluttur á heilsugæslustöð þar sem hann gekkst undir læknisskoðun. Hann mun hafa sloppið með minni háttar áverka að því er fram kemur á vef lögreglunnar á Selfossi.