Kona á sjötugsaldri lést af völdum reykeitrunar eftir að eldur kom upp í íbúð konunnar við Austurbrú á föstudagskvöldið. Samkvæmt upplýsingum frá Friðriki Smára Björgvinssyni, yfirlögregluþjóni í rannsóknardeild lögreglunnar á höfuðborgarsvæðinu, náði konan að slökkva eldinn að sjálfsdáðum en hann var minniháttar.

Friðrik segir að niðurstaða krufningar liggi ekki fyrir en konan var með öndunarfærasjúkdóm. Friðrik sagðist ekki geta gefið það upp hvar eldurinn kom upp í íbúðinni.