Lögreglan á Eyjafjarðarsvæðinu hefur að undanförnu verið með sérstakt eftirlit með ölvunar- og vímuefnaakstri að undanförnu. Í síðustu viku voru 823 ökumenn stöðvaðir á Akureyri, Dalvík, Ólafsfirði og Siglufirði.

Af þeim er einn ökumaður grunaður um að hafa verið ölvaður við akstur og annar að hafa verið undir áhrifum vímuefna. Þá kom í ljós að 34 ökutæku voru ekki með ljósabúnað í lagi og 103 ökumenn ekki með ökuskírteini sitt meðferðis. Þetta kemur fram á vef lögreglunnar.