Mohammad Ajmal Qasam, eini eftirlifandi hryðjuverkamaður árásanna í Mumbaí á Indlandi, hefur upplýst þarlend yfirvöld um að markmið aðgerðanna hafi verið að drepa fimm þúsund manns.
Hryðjuverkamennirnir voru að hans sögn tíu, og ætlun þeirra var að framkvæma ódæði sem tæki árásunum í New York, Pennsylvaníu, og Washington árið 2001, fram.

Indversk stjórnvöld eru þess fullviss að hryðjuverkamennirnir hafi fengið fyrirmæli frá Pakistan í gegnum farsíma á meðan á umsátrinu stóð. Hátt í tvö hundruð manns misstu lífið í aðgerðum hryðjuverkamannanna.