Álfheiður Ingadóttir, þingmaður VG, er meðal þeirra sem mótmæla handtöku fánaflaggarans Hauks Hilmarssonar, við lögreglustöðina við Hlemm. Hún hefur verið að hlúa að þeim mótmælendum sem þurfa á aðhlynningu að halda eftir að lögreglan beitti táragasi.

Lögreglan segir mótmælin við lögreglustöðina ólögleg. Meðal þeirra sem er í fremstu röð mótmælendanna er þó þingmaðurinn og löggjafinn Álfheiður.

Mótmælendur við lögreglustöðina í Reykjavík saka lögreglu um að hafa setið fyrir fánaflaggaranum Hauki þegar hann var handtekinn í gærkvöldi. Telja sumir að með þessu hafi lögreglan reynt að koma í veg fyrir að hann gæti tekið þátt í mótmælunum í dag.

"Frelsið Hauk, frelsið Hauk," hljómar við lögreglustöðina. Miðað við ræðu eins mótmælanda fyrir skemmstu, var móðir Hauks flutt á slysadeild fyrir skemmstu til að fá aðhlynningu vegna táragass.