Í dag klukkan 15 mun fólk safnast saman á Austurvelli til friðsamlegra mótmæla. Verður þetta sjöundi laugardagurinn í röð sem skipulögð mótmæli fara fram á þessum vettvangi.

Samkvæmt upplýsingum á vefsíðu mótmælasamtakanna Nýrra tíma verða mótmælin undir leiðsögn hóps sem kallar sig Rödd fólksins.

Eins og DV greindi frá á dögunum voru samtökin Nýjir tímar ranglega sakaðir af Birni Bjarnasyni dóms- og kirkjumálaráðherra um að grýta lúxusráðherrabifreið hans með eggjum. Forsvarsmenn samtakanna undirstrika að aðgerðir þeirra séu með öllu friðsamleg og sama eigi við um mótmælin á Austurvelli í dag.

Búast má við þúsundum manna í miðbænum í dag en mótmælunum hefur vaxið ásmegin undanfarnar vikur og sífellt fleiri sótt þau.