Davíð Scheving Thorsteinsson veit hvernig það er að skulda og missa allt sitt. Hann stóð uppi slyppur og snauður þegar drykkjarvörufyrirtækið Sól var tekið af honum og selt upp í skuldir um miðjan tíunda áratuginn.

Í bankahruninu fyrr í haust rifjuðust upp þessir tímar hjá Davíð því hann og eiginkonan töpuðu öllum sparnaðinum sínum við það að Kaupþing fór á hausinn.

Davíð segir að líklega eigi allar fjölskyldur hér á landi eftir að líða fyrir þetta ástand sem er nú á Íslandi. Sérstaklega ungt fólk sem hafi fjárfest fullt af bjartsýni í von um að Hrunadansinn héldi áfram. „Fólk mun líða fyrir þetta næstu árin. Ég þekki það á eigin skinni að svo er. Allt sparifé okkar Steffí var bundið í hlutabréfum í Kaupþingi. Það sem við ætluðum að nota núna þegar maður kæmist á níræðisaldur, það er horfið,“ segir Davíð.

Kristján Hrafn Guðmundsson ræðir við Davíð Scheving Thorsteinsson um sparnaðinn sem hvarf, útrásarvíkingana og hið sanna ríkidæmi í helgarblaði DV sem fæst á næsta sölustað.