„Brýnt er að skipta um stjórnendur í Seðlabankanum og Fjármálaeftirlitinu til að endurvekja traust almennings og alþjóðasamfélagsins á íslenskum stjórnvöldum,“ segir í ályktun Samfylkingarfélagsins í Kópavogi og því ekki hægt að skilja ályktunina öðruvísi en að þar á bæ vilji fólk Davíð burt.

Í ályktuninni er jafnframt lögð þung áhersla á að markmið jafnaðarstefnunnar verði höfð að leiðarljósi við uppbyggingu hins nýja Íslands. Þá segir enn fremur að forgangsverkefni okkar sé að slá skjaldborg um fjölskyldurnar í landinu og tryggja fjárhagslegt öryggi heimilanna.