Reykjanesbær hefur þurft að endurgreiða tæpar 102,5 milljónir króna vegna lóðaskila í bæjarfélaginu. Í ágúst, september og október hefur alls 46 úthlutuðum lóðum verið skilað en samkvæmt upplýsingum frá bæjarskrifstofu er ekki greitt fyrir lóðir í Reykjanesbæ líkt og á höfuðborgarsvæðinu. Eingöngu er því verið að endurgreiða gatnagerðargjöld.

Reykjanesbær sleppur því vel miðað við önnur sveitarfélög á landinu sem hafa þurft að endurgreiða milljarða vegna lóðaskila. Þetta kemur fram á vefsíðu Víkurfrétta.