Geir H. Haarde forsætisráðherra og Ingibjörg Sólrún Gísladóttir utanríkisráðherra hafa boðað til blaðamannafundar í Ráðherrabústaðnum eftir nokkrar mínútur. Búist er við að þar tilkynni þau þá lendingu sem hefur fengist í Icesave-deilunni.

Deilur um hvernig Íslendingar taka á skuldbindingum vegna Icesave-reikninga Landsbankans í Bretlandi og Hollandi hafa meðal annars tafið fyrir endanlegum samningum við Alþjóða gjaldeyrissjóðinn. Forseti hans tilkynnti í gærkvöldi að stjórn sjóðsins myndi taka láns- og aðstoðarumsókn Íslendinga til meðferðar á miðvikudag.