Dominique Strauss-Kahn, forstjóri Alþóðagjaldeyrissjóðsins, segir að sjóðurinn muni taka umsókn Íslands fyrir á miðvikudag. Strauss-Kahn hélt fréttamannafund í gærkvöldi eftir G20 leiðtogafundinn um heimskreppuna í Washington. Icesave reikningar hafa tafið umsókn Ísland hjá sjóðnum.

Strauss-Kahn vildi ekki gefa það upp hvort 2,1 milljarðs Bandaríkjadala lán til Íslands yrði samþykkt. Geir H. Haarde forsætisráðherra, segir að trúnaður hvíli á öllum skilmálum samningsins. Skilyrðin sem sjóðurinn setur eru óljós fyrir utan að stýrivextir hafa verið hækkaðir.

Málið átti að vera tekið fyrir í byrjun mánaðarins en var frestað vegna Icesave reikninga Landsbankans í Bretlandi og Hollandi. Ef sjóðurinn lánar okkur 2,1 milljarð Bandaríkjadala er það einungis einn þriðji þeirra upphæðar sem íslensk stjórnvöld telja sig þurfa.