Gríðarlega öflugur jarðskjálfti reið yfir austanverða Indónesíu fyrir nokkru. Afl hans er metið upp á 7,7 á Richterkvarða. Stutt stund leið frá því jarðskjálftinn reið yfir þar til gefin var út viðvörun vegna hættu á flóðbylgjum.

Upptök jarðskjálftans voru neðansjávar úti fyrir Sulawesi-eyju. Það var einmitt eftir mikinn jarðskjálfta neðansjávar á annan dag jóla árið 2005 sem mikil flóðbylgja reið yfir mörg ríki við Indlandshaf. Síðan þá hafa varnir gegn slíkum flóðbylgjum verið efldar og tekið upp kerfi til að vara við ef hætta þykir á slíkum. Engar fréttir hafa borist af mannskaða eða tjóni og áður hafa verið gefnar út flóðbylgjuviðvaranir án þess að hamfarir hafi fylgt í kjölfarið.