Saga Róberts Leós Erlendssonar, níu ára drengs frá Akranesi sem svikinn var af BT um Playstation Portable-tölvu, snerti hjörtu landsmanna. Þáttastjórnendur Harmageddons, Frosti og Þorkell Máni, voru engin undantekning. Þegar þeir heyrðu að raftækjaverslunin Elko hefði afhent Róberti glænýja PSP-tölvu í gær tóku þeir sig til og gáfu honum sjö leiki í nýju tölvuna. Róbert brá er hann fékk fréttirnar. „Í alvöru?“ sagði Róbert gapandi og trúði varla sínum eigin eyrum.