Glitnir borgaði Lárusi Welding, forstjóra bankans, 300 milljónir króna ef hann myndi ráða sig til bankans þegar Bjarni Ármannsson lét þar af störfum. Sjálfur fékk Bjarni 100 milljónir króna þegar hann hætti hjá fyrirtækinu í apríl á síðasta ári. Frá þessu var greint í kvöldfréttum Ríkisútvarpsins.

Auk þess sem Bjarni hlaut í starfslokagreiðslur námu laun hans þann tíma sem hann var við störf á síðasta ári um 90 milljónum króna. Þar ofan á bætast við 381 milljón króna sem hann hagnaðist um vegna forkaupsrétt á hlutabréfum.

Í þessari viku var uppgjör Glitnis fyrir síðasta ár kynnt. Þar kom fram að Glitnir hefði hagnast um 27,7 milljarða króna á árinu.