Lítt þekkt ættartengsl: Ógegnsæismenn og gegnsæismaðurinn

Spjótin standa nú á bræðrunum Kristjáni Snorra og Eyjólfi Vestmann Ingólfssonum sem standa að Flokki heimilanna. Flokkur heimilanna bauð fram til Alþingis árið 2013 og fékk rúmlega 30 milljónir úr ríkissjóði. Kristján Snorri er formaður flokksins og segir starfsemina vera í fullum gangi þrátt fyrir að flokkurinn hafi ekki boðið sig fram 2016 og 2017 og ætli heldur ekki í framboð í ár. Kristján vildi ekkert tala við RÚV um málið fyrir skemmstu og sagðist ekki ætla að veita viðtal um málið næstu fimmtíu árin. Svo virðist sem flokkurinn leggi ekki mikla áherslu á gagnsæi í störfum sínum.

Mynd: DV ehf / Sigtryggur Ari

Það sem fáir vita er að náfrændi þeirra bræðra er einnig í stjórnmálum og leggur þar mikla áherslu á gagnsæi. Móðir þeirra Kristjáns Snorra og Eyjólfs Vestmann er María Kristjánsdóttir, systir Svans Kristjánssonar sem er faðir Halldórs Auðar Svanssonar, borgarfulltrúa Pírata.

Það væri forvitnilegt að heyra hvað lýðræðisráðið sem Halldór Auðar stýrir í Reykjavík segði um framferði frænda hans.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.