Lítt þekkt ættartengsl: Fallni forstjórinn og fornleifafræðingurinn

Lögreglan rannsakar meint stórfelld auðgunarbrot og skjalafals forstjórans fyrrverandi.
Magnús Ólafur Garðarsson Lögreglan rannsakar meint stórfelld auðgunarbrot og skjalafals forstjórans fyrrverandi.

Árið hefur verið viðburðaríkt hjá systkinunum Magnúsi Ólafi Garðarssyni og Völu Garðarsdóttur.

Magnús Ólafur hefur staðið í ströngu í tengslum við fall umdeildasta fyrirtækis landsins, United Silicon, sem og meintan vítaverðan akstur á Tesla-glæsibifreið sinni. Magnús Ólafur er grunaður um stórfellt auðgunarbrot og skjalafals á meðan hann starfaði fyrir United Silicon og stendur rannsókn málsins yfir.

Vala hefur undanfarin misseri stýrt fornleifauppgreftri á Landsímareitnum. Þar er ráðgert að byggja upp glæsilegt hótel en þær fyrirætlanir hafa fallið í grýttan jarðveg hjá hópi sem kallar sig Varðmenn Víkurgarðsins.

Um mikið tilfinningamál er að ræða og hefur Vala tekist hart á við talsmenn Varðmanna. Á dögunum steig hún fram og sakaði ónafngreinda menn innan hópsins um að hafa kallað hana „unga sæta fornminjafræðinginn“ og klipið hana svo í rassinn. Ekki eru öll kurl komin til grafar í málinu.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.