Litrík tíska á rauða dreglinum
Grammy verðlaunin fóru fram í 60. skipti í gærkvöldi í Madison Square Garden í New York. Hinn breski James Corden, þáttastjórnandi The Late Late Show á CBS sjónvarpsstöðinni, var kynnir verðlaunanna annað árið í röð.
Útsending frá rauða dreglinum byrjaði heilum þremur klukkustundum áður, enda fjölmargar stjörnur sem létu sýna sig og sjá aðra, og hver og ein þarf sinn tíma fyrir linsu ljósmyndaranna.
Mikil litagleði ríkti á rauða dreglinum, ólíkt Golden Globe verðlaunahátiðinni sem fram fór fyrr í mánuðinum. Þar sameinuðust stjörnurnar um að klæðast svörtu til að sýna samstöðu og stuðning við #Metoo byltinguna. Stjörnurnar á Grammy sýndu stuðning sinn á annan hátt, með því að bera hvíta rós.
Sjá einnig:[http://www.dv.is/menning/2018/1/29/kom-sa-og-sigradi-grammy-verdlaununum/]
