Helgarnar í september eru þéttsetnar af fjárréttum um allt land en alls eru 206 slíkar skipulagðar. Fyrstu fjárréttirnar fóru fram laugardaginn 2. september síðastliðinn en fjölmargar fóru fram daganna 9.–11. september. Þar á meðal var Miðfjarðarrétt í Miðfirði en ljósmyndari DV átti þar leið hjá og tók skemmtilegar myndir af því sem fyrir augu bar.
Fjör Hinn tíu ára gamli Freyr Eaton Pétursson mætti í fyrsta skipti í réttir úr höfuðborginni. Hann var afar ánægður með upplifunina.
Mynd: x
Heimakær Magnús Ari Jónsson frá Skarfshóli lét sig ekki vanta. Magnús Ari er hrifinn af sinni heimasveit en að sögn kunnugra hefur hann aðeins einu sinni heimsótt höfuðborg landsins. Það var á aldamótarárinu 2000 og þangað hefur Magnús Ari ekkert að sækja.
Mynd: x
Þjóðarrétturinn Atgangurinn í réttum er mikill og því er mikilvægt að taka hraustlega til matar síns. Boðið var upp á pylsuveislu sem vakti eðlilega mikla lukku.
Mynd: x
Vígalegur Bóndinn og myndalistamaðurinn Jón Eiríksson á Búrfelli lét sig ekki vanta.
Mynd: x
Fundið fé Það er tilkomumikil sjón þegar göngumenn koma ríðandi af fjöllum með fjárhópana.
Mynd: x
Næsta kynslóð Ungir sem aldnir taka til hendinni í réttum og hér má sjá fulltrúa næstu kynslóðar meta stöðuna.
Mynd: x
Frumkvöðull Arinbjörn Jóhannsson á Brekkulæk hefur í tæp fjörtíu ár rekið hestaleigu fyrir norðan. Óhætt er að fullyrða að hann hafi verið á undan sinni samtíð í þeim efnum.
Mynd: x
