Húsráð og önnur nytsamleg úrræði eru af ýmsum toga. Hér má sjá lista yfir ýmis atriði sem eru sett fram með það að markmiði að auðvelda fólki daglegt amstur, hvort sem er við matseld eða í netvafri á sólarströnd.

Poppkorn Bleyttu baunirnar.

Ef þú leggur poppbaunir í vatn, í örstutta stund, áður en þú poppar þær í potti þá tekur töluvert styttri tíma að poppa. Að auki munu færri baunir sitja eftir ópoppaðar en ella.

Þegar mexíkóskar taco-skeljar eru á boðstólum við matarborðið þá er sniðugt, og dregur úr subbuskapnum, að leggja salatblað inn í taco-skelina. Ástæðan er einföld. Þegar skelin brotnar þá fer innihaldið ekki út um allt heldur helst í salatblaðinu.

Sósa Ekki örvænta þótt hún brenni við.

Ef þú brennir sósuna óvart við pottinn þá er óþarfi að gefast upp. Þú getur hellt sósunni yfir í annan pott og haldið áfram að sjóða hana þar. Bættu smá sykri út í sósuna. Hann kemur í veg fyrir að það komi brunabragð af sósunni.

Chili-pipar Það getur verið kúnst að skera piparinn.

Ef þú ert ekki með hanska við höndina þegar þú skerð chili-pipar þá er mjög góð hugmynd að löðra hendurnar í olíu áður en þú byrjar að skera.

Ef þú þarft að mýkja smjör sem hefur verið í ísskáp þá er sniðugt að setja það inn í smjörpappír og fletja það rólega út með bökunarkefli.

Snjallsímanotkun á ströndinni Settu símann í lítinn plastpoka.

Mynd: Mynd: Photos

Ef þú ert á leiðinni á sólarströnd þá er tilvalið að setja snjallsímann í glæran plastpoka. Það heldur sandinum fjarri og þú getur notað símann á meðan hann er í pokanum.

Bananar Sniðugt er að hengja banana upp svo ekki komi brúnir blettir í þá.

Settu lítinn krók í eldhúsinnréttinguna. Þar getur þú hengt upp banana og það kemur í veg fyrir að brúnir blettir myndist á þeim.

Vissir þú að það er leikur einn að fjarlægja svartar rákir eftir skó á parketi með því að strjúka yfir þær með tennisbolta.

Það er vel hægt að nota sléttujárn til að ná á erfiðustu staðina á flíkum þegar þær hafa verið straujaðar með straujárni, til dæmis í kringum tölur og kraga.

Hvít handklæði Nú getur þú gert hvíta þvottinn enn hvítari.

Ef vilt að hvíti þvotturinn verði enn hvítari þá er sniðugt að nota sítrónusafa. Hálfur bolli af sítrónusafa með hvítu handklæðunum og þau koma enn hvítari úr þvottavélinni.

Tréhúsgögn eru viðkvæm fyrir rispum og núningi. Á þau er hægt að nota skóáburð í svipuðum lit, þá kemur glansinn og liturinn aftur.

Ef þig langar að hlusta á tónlist í símanum, en ert ekki með hátalara, prófaðu þá að setja símann ofan í glas eða skál og sjáðu hvað gerist.

Avókadó Meinhollt og gott í matargerð.

Mynd: © 2007 Oliver Hoffmann

Vissir þú að það er vel hægt að frysta avókadó. Þegar búið er að nota það sem þarf af ávextinum er hægt að geyma avókadóið í frysti þar til næst.

Meira um avókadó. Þú getur notað það í staðinn fyrir smjör í margar uppskriftir.