Það ríkti mikil eftirvænting og stemning í Laugardalshöllinni síðasta kvöld júlímánaðar, enda tilefnið ærið: strákarnir í fönkrokkhljómsveitinni Red Hot Chili Peppers á leið á svið. Margir mættu vel undirbúnir, klæddir í boli eða fjárfestu í þeim á staðnum. En eins og vaninn er þá var hægt að kaupa varning merktan sveitinni á staðnum.
Red Hot Chili Peppers er ein af farsælustu hljómsveitum sögunnar, með yfir 80 milljón plötur seldar á heimsvísu, hefur verið tilnefnd til 16 Grammy-verðlauna (unnið sex þeirra) og þegar Billboard-listinn bandaríski er skoðaður þá hafa þeir átt flest lög í fyrsta sæti (13 talsins), flestar vikur í fyrsta sæti (85) og flest lög á topp tíu listanum (25 lög). Árið 2012 voru þeir innvígðir í frægðarhöll rokksins.
Flea í fjöri Flea talaði að mestu fyrir sveitina milli laga.
Mynd: ©Mummi Lu
Það var því ljóst að von var á góðri kvöldstund í Höllinni og strákarnir stóðu svo sannarlega undir væntingum. Helstu slagarar þeirra fengu að hljóma og tóku tónleikagestir vel undir. Bassaleikarinn Flea, sem hafði að mestu orðið milli laga, hrósaði einnig tónleikagestum sérstaklega fyrir að vera ekki stanslaust með símana á lofti og njóta frekar staðar og stundar. Vissulega fóru símar á loft af og til, enda nauðsynlegt að festa minninguna á samfélagsmiðla, en óvenju lítið var um eilífar upptökur eins og virðist vera orðin venja, frekar en undantekning.
Hreint út sagt, frábær kvöldstund fyrir eldri sem yngri aðdáendur strákanna í Red Hot Chili Peppers.
Rokkarafjölskylda Árni Hrafn Falk, Guðbjörg María Jensdóttir, Sandra Rut Falk og Kristján Ársæll Jóhannesson. Árni og Sandra eru börn gítarleikarans góðkunna, Guðlaugs Falk, sem er nýlega fallinn frá.
Mynd: ©Mummi Lu
Bak við settið Chad Smith var kröftugur á trommunum.
Mynd: Mummi Lú
Guðlaugur Einarsson gítarleikari Fufanu.
Mynd: Mummi Lú
Tveir í stíl Félagarnir Matthías Hjartarson og Pétur Kristófer Oddsson búnir að kaupa bol og tilbúnir í tónleika.
Mynd: Mummi Lú
Einbeittur Gítarleikarinn Josh Klinghoffer var flottur á sviðinu.
Mynd: Mummi Lú
Hrafnkell Flóki Kaktus Einarsson söngvari.
Mynd: Mummi Lú
Bolur er standard Þessir félagar mættu að sjálfsögðu í Red Hot Chili Peppers-bol.
Mynd: ©Mummi Lu
Vinsæll Það var vel tekið undir í helstu lögum sveitarinnar.
Mynd: Mummi Lú
Jón Atli Helgason bassaleikari Fufanu.
Mynd: ©Mummi Lu
Í stíl Svo má alltaf breyta hljómsveitarbol eftir eigin smekk.
Mynd: ©Mummi Lu
Kominn úr Flea var fljótlega kominn úr að ofan enda mikill hiti og stemning í Höllinni.
Mynd: Mummi Lú
Flottir feðgar Feðgarnir Ingvar Axel og Bjarni Sveinn Kristjánsson.
Mynd: ©Mummi Lu
Velkomin Anthony Kiedis heilsar áhorfendum.
Mynd: Mummi Lú
Spennt að bíða Halldóra og Marinó Magnús Guðmundsson biðu spennt eftir að Red Hot Chili Peppers kæmi á svið.
Mynd: Mummi Lú
Stemning Áhorfendur flykkjast inn í Höllina.
Mynd: ©Mummi Lu
Mikil tilhlökkun Parið Dísa Þórudóttir og Pétur Pétursson hlakkaði til að sjá sveitina á sviði.
Mynd: Mummi Lú
Þétt staðið í Höllinni Nýja Laugardalshöllin sómir sér vel fyrir tónleika af þessari stærðargráðu og vel var mætt í salinn.
Mynd: Mummi Lú
