Myndlistarkonan og tónskáldið Dodda Maggý opnaði nýlega sína fyrstu einkasýningu í BERG Contemporary við Klapparstíg. Verk Doddu Maggýjar hafa verið sýnd víða bæði á Íslandi og erlendis. Fjöldi góðra gesta mætti á opnunina, en sýningin stendur til 21. október næstkomandi.

Ljúfir listunnendur David Pitt framkvæmdastjóri og Hrafnhildur Schram listfræðingur eru miklir unnendur góðrar listar.

Listfengir félagar Dainius Bendikas, aðjunkt í fatahönnun, og Thomas Pausz, lektor við hönnunar- og arkitektúrdeild Listaháskóla Íslands.

Verkin á sýningunni eru blæbrigði margra listmiðla og liggja á mörkum hljóðlistar, kvikmyndagerðar og vídeólistar. Úr verður einstök, falleg og áhugaverð sýning.

Búsett í París Laufey Helgadóttir listfræðingur og leiðsögumaður, sem búsett er í París og Borgþór Kjærnested, leiðsögumaður, framkvæmdastjóri og túlkur.

Listfeng hjón Hjónin Áskell Másson tónskáld og Sigríður Búadóttir hjúkrunarfræðingur sjást oft á listasýningum.

Verk Doddu Maggýjar hafa verið sýnd víða í söfnum, galleríum og á listamessum, bæði á Íslandi og erlendis, svo sem í Listasafni Íslands, Listasafni Reykjavíkur, Malmö Konsthall í Svíþjóð, Scandinavia House í New York, Yale-háskóla í Bandaríkjunum og Contemporary Art Society í London.

Listræn þrenna Klara Stephensen og bræðurnir Eggert feldskeri, og Friðrik, fyrrverandi forstjóri Straums, Jóhannssynir.

Fallegar mæðgur Rakel Halldórsdóttir og dætur hennar, María Anna og Ellen Elísabet Arnarsdætur, voru sumarlegar og flottar.

Stýrir af lyst Ólöf K. Sigurðardóttir, safnstjóri Listasafns Reykjavíkur. Á bak við hana má sjá eitt verka sýningarinnar, þar sem gestir geta sest niður, hlustað á plötu, sem er eitt af verkum sýningarinnar og útgefið í 30 tölusettum eintökum, og horft á listaverkið á veggnum breytast um leið.