Stúlkurnar sem keppa í Miss Universe Iceland hittast af og til og gera eitthvað skemmtilegt saman til að hrista hópinn saman og kynnast betur. Nýlega fóru þær í Hnefaleikastöðina og kynntu sér boxið.
Stúlkurnar lærðu byrjendahandtökin í boxinu og brugðu tvær þeirra, Arna Ýr og Enza Marey, sér í hringinn. Í hita leiksins varð kappið mikið, en sem betur fer meiddist nú engin.
Manuela Ósk Harðardóttir, annar eigenda Miss Universe Iceland, brá á leik og stillti sér upp með boxhanska fyrir framan plakat af Mike Tyson. Frægt var hér um árið, nánar tiltekið árið 2002, þegar Manuela var í verslunarferð í New York með móður sinni til að kaupa kjól fyrir fegurðarsamkeppnir sem Manuela tók þátt í það ár. Í ferðinni hittu þær Mike Tyson sem gaf Manuelu fagurrauðan kjól. Manuela var kjörin Ungfrú Reykjavík og Ungfrú Ísland árið 2002.