Einn af vinsælustu smellum ársins er lag púertóríska söngvarans Luis Fonsi, Despacito. Lagið með textann sem fáir geta lært nema innfæddir (ekki að það skipti neinu máli) er vinsælt um heim allan og fullt af ábreiðum má finna á youtube og ein af þeim nýrri er útgáfa 2Cellos.
2Cellos er eins og nafnið gefur til kynna selló dúett, hann skipa þeir Luka Sulic og Stjepan Hauser, sem eru af króatískum og slóvenskum uppruna og báðir menntaðir í klassískri tónlist. Dúettinn hefur starfað frá 2011 og hefur gefið út nokkrar plötur, spilað um allan heim og komið fram í sjónvarpsþáttum.
