Fyrrverandi Bítillinn Ringo Starr á afmæli í dag og fagnar 77 ára afmæli sínu. Á Facebook-síðu sinni hvetur hann einstaklinga um allan heim til að taka þátt í að mynda öldu ástar og friðar með því að hugsa um, segja og/eða pósta friðarmerki með #peaceandlove á hádegi á staðartíma. Þannig mun alda ástar og friðar ná að færast um jörðina með því að byrja á hádegi í Nýja-Sjálandi og enda á hádegi í Havaí.

Í myndbandi sem Ringo birti á Facebook-síðu sinni, ringostarrmusic, má sjá hann í bol sem inniheldur textabrot úr laginu It’s Oh So Quiet sem Björk gerði ábreiðu af 1995.

Við óskum Ringo til hamingju með daginn og hvetjum alla til að taka þátt.