Jón Þór Ólafsson, hinn skeleggi þingmaður Pírata keypti rafhjól á 140 þúsund krónur. Frá þessu greinir þingmaðurinn með stolti á Facebook-síðu sinni. Deilir þingmaður mynd af hjólinu og hvetur sem flesta til að kaupa hjól og spara þannig fjármuni. Ekki eru allir hrifnir af hjóli þingmannsins. Vinur Jóns á Facebook, Ási Helguson segir ósáttur:
„Æði, sum okkar eiga samt ekki fyrir mat af því að leigan er að ganga frá okkur, en værum annars alveg til í að versla rafhjól og sleppa við að koma of seint í vinnuna með strætó sem gengur óreglulega. Myndum líka spara 11þ á mánuði við að sleppa græna kortinu, hefðum kannski efni á að vinna heilan dag OG kaupa lunch. En til hamingju, og til hamingju með að vera með 1,1 á mánuði. ÆÐI“
Jón Þór svarar og kveðst hafa keypt hjólið fyrir ári, þegar hann starfaði við malbikun. Segir Jón að hann hafi tekið yfirdrátt og ætlað sér að spara aura sem annars færu í Strætó eða bensín.
„Fyrir ári síðan þegar ég keypti hjólið og var starfsmaður á plani í malbikinu (Já það tók ár að fá það) þá hugsaði ég einmitt eins og þú Ási að það sparar peninga að vera á rafhjóli og maður er fljótari yfir með en með strætó, svo ég tók yfirdrátt og keypti þetta. Sé ekki eftir því,“ segir Jón Þór og bætir við á öðrum stað að forsætisráðherra Dana sé einnig aðdáandi rafhjólsins og væri jafnvel ráð að skipta því út fyrir forsætisráðherrabílinn.
„Deili þessu núna eins og þegar og (ég) keypti það fyrir ári, til að fleiri geti farið að spara á ánægjuleg hátt.“