Leikarinn sá greindasti

Alþingismaðurinn stærði sig af greindarvísitölu upp á 146 stig.
Vilhjálmur Bjarnason Alþingismaðurinn stærði sig af greindarvísitölu upp á 146 stig.
Mynd: gunnigunn birtingur

Alþingismaðurinn Vilhjálmur Bjarnason birti á dögum niðurstöður greindarprófs á Facebook-síðu sinni. Státaði háskólamaðurinn fyrrverandi af 146 stigum á mælikvarða forritsins og var eflaust hreykinn af. Hinn kappsami samherji hans í ríkisstjórninni, Benedikt Jóhannesson fjármálaráðherra upplýsti þá Vilhjálm um að hann hefði tekið sama próf og fengið 164 stig.

„Þetta er léttasta próf sem ég hef tekið,“ sagði Benedikt við það tilefni.

Sjálfsmynd stjórnmálamannanna brotlenti án efa þegar leikarinn Damon Younger, sem sló í gegn í myndinni Svartur á leik, birti niðurstöðu sína úr prófinu. „Æ,æ ...,“ sagði Damon og lét fylgja með mynd af tölunni 166.

Leikarinn Damon Younger sló stjórnmálamönnunum rækilega við þegar kom að virkni heilabúsins.
Æ, æ ... Leikarinn Damon Younger sló stjórnmálamönnunum rækilega við þegar kom að virkni heilabúsins.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.