Íslensku sviðslistaverðlaunin Gríman voru veitt við hátíðlega athöfn í Þjóðleikhúsinu í 15. sinn þann 16. júní síðastliðinn. Gríman er glæsileg uppskeruhátíð sviðslista. Garðar Cortes, fyrrverandi óperustjóri Íslensku óperunnar og stofnandi Söngskóla Reykjavíkur, hlaut Heiðursverðlaun Sviðslistasambands Íslands fyrir ævistarf sitt í þágu óperu á Íslandi. Barnasýningin Blái hnötturinn, sem sýnd var í Borgarleikhúsinu, hlaut flest verðlaun, en önnur verðlaun dreifðust víða. Finna má nöfn verðlaunahafa á heimasíðu Sviðslistasambands Íslands
Hæfileikaríkar mæðgur Melkorka Tekla Ólafsdóttir, leiklistarráðunautur Þjóðleikhússins, og dóttir hennar, Thea Snæfríður Kristjánsdóttir. Leikgerð Melkorku á Tímaþjófinum, þekktustu skáldsögu Steinunnar Sigurðardóttur, hlaut tilnefningu sem leikrit ársins. Thea er ekki síður hæfileikarík þótt ung sé að árum; yrkir ljóð, teiknar og leikur.
Ungar og upprennandi Vinkonurnar Ísabella Ronja Benediktsdóttir og Melkorka Ýr Bustos léku í Þær spila blak Hallelúja sem tilnefnd var til tvennra verðlauna.
Kjarnakonur Þorgerður Katrín Gunnarsdóttir, sjávarútvegs- og landbúnaðarráðherra, móðir hennar, Guðríður Katrín Arason, og systir Þorgerðar, Karitas Halldóra Gunnarsdóttir, skrifstofustjóri menningarmála í mennta- og menningarráðuneytinu.
Borgarleikhúsdrottningar Rakel Ásgeirsdóttir sminka, Brynhildur Guðjónsdóttir leikkona og Rakel María Hjaltadóttir hárgreiðslukona eru allar að gera góða hluti í Borgarleikhúsinu.
Listahjón Hjónin og listamennirnir Ingibjörg Sigurjónsdóttir og Ragnar Kjartansson. Sýning Ragnars, Guð hvað mér líður illa, stendur yfir í Hafnarhúsinu. Ragnar fékk Grímuna sem danshöfundur ársins 2017 ásamt Margréti Bjarnadóttur fyrir Fórn – No Tomorrow í sviðsetningu Íslenska dansflokksins og Borgarleikhússins. Fórn var einnig valin sýning ársins.
Tilnefndur fyrir nokkur hlutverk Hjónin Berglind Ólafsdóttir, hjónabands- og fjölskylduþerapisti, og Björgvin Franz Gíslason. Björgvin var tilefndur sem leikari í aukahlutverki fyrir frábæra frammistöðu í Elly, en hann bregður sér í sjö hlutverk þar.
Tilnefnd og töff Snæfríður Ingvarsdóttir var tilnefnd sem leikkona í aukahlutverki fyrir hlutverk sitt í Djöflaeyjunni.
Gói og gyðjan hans Leikarinn Guðjón Davíð Karlsson, best þekktur sem Gói, og eiginkona hans, Ingibjörg Ýr Óskarsdóttir ljósmóðir. Guðjón var tilnefndur sem leikari í aðalhlutverki fyrir leik í Húsinu.
Gítarleikarinn og leiklistargyðjurnar Leikkonurnar Gríma Kristjánsdóttir, Laufey Elíasdóttir og Halldóra Rut Baldursdóttir ásamt Arnari Péturssyni, gítarleikara Mammút. Halldóra og Laufey tilheyra leikhópnum RaTaTam sem tilnefndur var til Sprotaverðlaunanna í ár. Arnar og Halldóra eru par.
Listrík og listfeng Ólafur Egill Egilsson var tilnefndur fyrir sýningu ársins ásamt Gísla Erni Garðarssyni fyrir Elly og sem leikstjóri ársins fyrir Brot úr hjónabandi ásamt leikkonunni Charlottu Bøving.
Dætur Reykjavíkur Tinna Sverrisdóttir, ein Reykjavíkurdætra, og Gréta Kristín Ómarsdóttir sem fékk Sprota ársins í ár.
Vísindavinir Ævar Þór Benediktsson gaf vísindunum frí og skellti sér í leikhúsið með Hilmi Jenssyni leikara.
Brosmildur búningahönnuður María Ólafsdóttir búningahönnuður og Vigfús Birgisson, eiginmaður hennar. María var tilefnd fyrir búninga í Évgení Onegin í sviðsetningu Íslensku óperunnar.
Bestu vinir Kristrún Hrafnsdóttir og Gógó Starr eru bestu vinir. Dragdrottingin Gógó Starr sá um að kynna besta dansara ársins og besta söngvara ársins.
Óperustjörnur Níels Thibaud Girerd (Nilli), sýningar- og verkefnastjóri Íslensku óperunnar, og Steinunn Birna Ragnarsdóttir óperustjóri voru verðugir fulltrúar Íslensku óperunnar, sem hlaut alls sjö tilnefningar á Grímunni.
Glæsileg hjón Hjónin Viðar Eggertsson leikari og Sveinn Kjartansson, matreiðslumaður og eigandi AALTO Bistro, eru glæsilegir saman.
Hæfileikar í tveimur ættliðum Gunnlaugur Egilsson, dansari og danshöfundur, kona hans Gunnur von Matérn viðmótshönnuður og móðir Gunnlaugs, Tinna Gunnlaugsdóttir, leikari og fyrrverandi þjóðleikhússtjóri.