Nýlega fór Víkingahátíð fram í Hafnarfirði og er það í 22. sinn sem hún er haldin. Boðið var upp á fjölbreytta dagskrá að víkingasið og mætti fjöldi víkinga á hátíðina, bæði íslenskir og erlendir, og voru um 300 víkingar á svæðinu þegar flest var.
Víkingarnir eru sögumenn, götulistamenn, hljómlistarmenn, handverksmenn, bardagamenn og bogmenn svo eitthvað sé nefnt. Bardagasýningar, víkingaskóli fyrir börnin, bogfimi og axarkast, kraftakeppni, tónlistaratriði, markaður og veislur að víkingasið voru á meðal þess sem boðið var upp á.
Víkingavopn Alvöru víkingar eiga boga og örvar.
Besti vinurinn Hundurinn hefur lengi verið besti vinur mannsins, líka víkinga.
Fellur ekki verk úr hendi Þessi leit ekki upp frá handverkinu þó að ljósmyndara bæri að garði.
Víkingaspjall Víkingar spjalla um lífsins gagn og nauðsynjar.
Víkingabros Gleðin var ríkjandi á Víkingahátíðinni.
Með ref á öxlunum Alvöru víkingaklæðnaður
Vaskleg víkingakona Skörungsleg víkingakona í fullum skrúða.
Fortíð – nútíð Fortíð og nútíð sameinast þegar víkingar „vape-a.“
Matur! Hér dugar ekkert minna en heilgrillað.
Víkingahandverk Fjöldi fallegra handgerðra muna var til sölu.
