Einstakar ferðir með Sigrúnu Lilju Gyðju
Sigrún Lilja oft kennd við hönnunarmerkið sitt Gyðju opnaði í dag fyrir bókanir á glænýtt og spennandi 8 daga námskeið og ferð fyrir konur sem ber nafnið Exclusive Empower Women´s Retreat og fer fram um borð á einu glæsilegasta skemmtiferðaskipi í heimi Oasis of the Seas í Karabíska hafinu sem fram fer 17. – 24.september næstkomandi.
Markmiðið með ferðinni er að þátttakendur víkki sjóndeildarhringinn, byggi upp sjálfstraust og hugrekki til að fylgja draumum sínum eftir. Að hver og ein kona komi heim með aukið sjálfstraust, búin að hanna sitt draumalíf og full af orku til að byrja strax að setja aðgerðaráætlunina sem hún hefur búið til í framkvæmd til að láta drauma sína og þrár rætast.
„Eftir að hafa útskrifað á annað hundrað konur af námskeiðinu mínu hér heima Konur til Athafna og haldið þó nokkur „retreat“ fyrir konur á Bali hef ég fengið ómetanlega reynslu í að vinna með konum í að fylgja eftir sínum draumum og þrám,“ segir Sigrún Lilja.
Eitt af markmiðum Sigrúnar Lilju er að hvetja konur til dáða í að fylgja draumum sínum eftir og láta til sín taka og með það að leiðarljósi byrjaði hún með námskeiðin Konur til Athafna í upphafi ársins 2013. Námskeiðin slógu í gegn og seldust þau öll upp. Í kjölfarið fór Sigrún Lilja ásamt annarri af stað með ferðir til Bali sem slógu ekki síður í gegn.
„Þetta verður einstakt ferðalag þar sem konur munu styrkja sjálfstraustið og fá aukið hugrekki til að framkvæma og fylgja hjartanu, ásamt því að fá hin ýmsu tæki og tól til að fylgja eftir draumum sínum og þrám. Hver dagur verður himneskur, en það verður blanda af lúxus, dekri og sól ásamt uppbyggjandi innblæstri á hverjum degi. Að auki munum við læra á brimbretti um borð í skipinu, fara á skauta og í veggjaklifur. En að sjálfsögðu er það valfrjálst og það er mismunandi hvað hver og ein treystir sér í, en það er hluti af uppbyggingunni að takast á við nýjar áskoranir sem við munum svo sannarlega gera,“ segir Sigrún Lilja.
„ Ég er búin að bjóða upp á fimm Empower Women ferðir til Bali og sú síðasta var fyrir rúmu ári síðan. Þegar ég kom heim fann ég að ég var tilbúin til að prófa eitthvað alveg nýtt. Eftir að hafa skoðað örugglega allar hvítu strendurnar í heiminum og velt upp kostum og göllum gat ég varla valið og ákvað því að slá nokkrar flugur í einu höggi og bjóða upp á fleiri en eina paradís í ferðinni og besta leiðin til að gera það er auðvitað með skemmtiferðaskipi. Enda er það heil veröld út af fyrir sig, í raun Disney World fyrir fullorðna á milli þess sem maður heimsækir nokkrar af eftirsóttustu eyjum í heimi.“
Lagt verður af stað frá Orlando þann 17. september næstkomandi og verður stoppað á Jamiaca, Hahiti og Mexico. Skemmtiferðaskipið Oasis of the Seas er eitt af stærstu og glæsilegustu skipum í heiminum í dag og er úrvalið af afþreyingu um borð eftir því. En þar eru um 20 sundlaugar og svipaður fjöldi veitingastaða, fjöldinn allur af börum, verslunum, skemmtistöðum ásamt líkamsrækt og spa svo fátt eitt sé nefnt.
„Á hverjum áfangastað býður svo VIP meðferð kvennanna þar sem þær verða leiddar um staðinn með einkaleiðsögn og fá að njóta brots af því besta á hverjum stað fyrir sig. Settu sjálfa þig í fyrsta sætið, því þú átt það skilið,“ segir Sigrún Lilja sem býður spennt eftir að fara með konur í Karabíska hafið.
Bókanir hófust í dag í þessa einstöku ferð inn á tix.is en þess má geta að boðið er upp á afslætti af fyrstu plássunum við forbókun með allt að 100.000 kr. afslætti til 19. júní næstkomandi, en takmarkaðir miðar eru þó í boði á þessu verði og því gildir fyrstir panta, fyrstir fá. Hér má bóka pláss
Einnig má fylgjast með Sigrúnu á Snapchat: theworldofgydja.
Sigrún Lija var í viðtali fyrir stuttu í DV um ferðina, sjá hér
