Aðdáendur Manchester United supu hveljur í vikunni þegar í ljós kom að sjónvarpsmaðurinn Auðunn Blöndal yrði meðal áhorfenda á úrslitaleik Evrópudeildarinnar í Stokkhólmi, þar sem enska liðið mætti hollenska liðinu Ajax.
Auðunn hefur löngum verið talinn óheillakráka hin mesta þegar kemur að gengi Rauðu djöflanna. Til marks um það eru um 1.200 manns meðlimir í Facebook-hópnum „Bönnum Auðunn Blöndal á Old Trafford“ sem var stofnaður fyrir nokkrum árum. En Manchester United vann 2-0 sigur og Auðuni var sýnilega létt.
„Ég sagði þér að gamli væri orðinn happa aftur,“ sagði hann á Facebook-síðu vinar síns sem fagnaði sigrinum.