Logi Einarsson, formaður Samfylkingarinnar, hefur ávallt vakið athygli fyrir klæðaburð og þá einna helst þverröndóttu bolina sem hann klæðist reglulega. Bolirnir eru orðnir einkennismerki þingmannsins sem flestir hafa nú bara gaman af. En þó eru ekki allir jafnhrifnir af klæðaburðinum.
Dagur B. Eggertsson, borgarstjóri og samflokksmaður Loga, segir á Twitter að á Útvarpi Sögu sé Logi víst uppnefndur „randaflugan“ vegna þessa.
„Sætt. Ekki ónýtt að vera líkt við Múhameð Ali,“ skrifar Dagur og birtir mynd af þeim Loga og Ali heitnum með einni af frægustu tilvitnunum þess síðastnefnda. „Float like a butterfly, sting like a bee.“
Á útvarpi Sögu skilst mér að @logieinarsson formaður Samfylkingar sé kallaður "randafluga". Sætt. Ekki ónýtt að vera líkt við Múhameð Ali. pic.twitter.com/8a96wyJpe1
— Dagur B. Eggertsson (@Dagurb) May 18, 2017