Eins og alþjóð veit bara framlag Portúgal sigur úr býtum á Eurovision-keppninni í Kænugarði um helgina. Söngvarinn Salvador Sobral söng sig inn í hjörtu Evrópubúa með laginu „Amor Pelos Dois“ eða „Ást fyrir tvo“ sem systir hans samdi.
Óhætt er að segja að Akureyrarkirkja hafi verið með puttann á púlsinum því daginn eftir var slegið upp portúgalskri messu í kirkjunni. Þar steig hinn sautján ára gamli Birkir Blær Óðinsson á stokk og flutti sigurlag Salvadors við undirleik stjúpföður síns, Eyþórs Inga Jónssonar.
Víða má finna þýðingar á laginu, meðal annars íslenska þýðingu Hallgríms Helgasonar, en athygli vekur að Birkir Blær flutti lagið á frummálinu og rúllaði því upp.