Málið hefur fengið mikla athygli
Vegan veitingastaður í borginni Tarragona á Spáni hefur fengið mikið umtal í Evrópu síðustu daga eftir að eftirfarandi tilkynning var hengd upp á útidyrahurð staðarins: „Við kunnum við vel mæður af öllum dýrategundum. Þess vegna viljum ekki að ungabörnum sé gefin kúamjólk í pela á staðnum. Vinasamlegast virðið þessar reglur.“
Samkvæmt spænska dagblaðinu, El Páís, segir að viðbrögðin við orðsendingu eiganda staðarins, El Vergel Veggie, til viðskiptavina sinna hafi vægast sagt verið hörð. Í umsögnum um staðinn á TripAdvisor kveðst einn viðskiptavinur hafa verið niðurlægð fyrir framan gesti staðarins. En hún gaf barninu sínu mjólk úr pela inni á staðnum.
Eigandi staðarins svarar ummælunum viðskiptavinarins með því að segja að starfsmaður veitingahússins hafi laumað miða til hennar til að minna hana á að hún væri á vegan stað og þar væru engar dýraafurðir leyfðar.
Miklar umræður hafa skapast um málið og fólk tekist á um hvort veitingastaðurinn hafi gengið of langt eða hvort krafan sé réttmæt.