Fyrrum kryddpían, Mel B, sótti um skilnað frá eiginmanni sínum, Stephen Belafotne, í síðasta mánuði. Svo virðist sem skilnaðurinn eigi ekki eftir að ganga snurðulaust fyrir sig. Í gær kom Mel B fyrir dóm þar sem hún sótti um nálgunarbann gegn Stephen. Fyrir dómnum sagði Mel, meðal annars, að Stephen hefði beitt sig grófu ofbeldi, gert barnapíu þeirra hjóna ófríska og neytt sig til að stunda kynlíf með öðrum konum.

Dómari samþykkti nálgunarbannið sem þýðir að Stephen má hvorki koma nálægt Mel né börnunum hennar þremur.

Mel segir að Stephen hafi gert barnapíu þeirra hjóna ófríska. Í fyrstu hafi hann stungið upp á því að þau þrjú myndu búa saman og ala upp barnið. En að lokum borgaði hann barnapíunni 300 þúsund dollara fyrir að fara í fóstureyðingu. Þetta kemur fram í dómsgögnum.

Þá segir Mel að Stephen hafi beitt sig andlegu og líkamlegu ofbeldi í öll þau 10 ár sem þau voru saman. Mel segir að hann hafi alltaf verið afbrýðisamur út í sig og viljað stjórna henni, hvort sem er með orðum eða líkamlegu ofbeldi.

Á meðan allt lék í lyndi Mel og Stephen voru gift í 10 ár

Mel segir frá því að Stepen hafi til að mynda beitt sig líkamlegu ofbeldi árið 2012, daginn áður en hún kom fram með Usher í X Factor þætti þar sem hún var dómari. Þá segir Mel að Stephen hafi beitt sig ofbeldi daginn áður en hún steig á svið með Kryddpíunum á lokaathöfn Ólympíuleikana í London sama ár.

Fyrir dómi sagði Mel einnig að hún hefði oft, síðstu ár, reynt að fara frá Stephen. Hann hafi hinsvegar hótað henni með ofbeldi og að eyðileggja líf hennar. Til dæmis með því að taka börnin frá henni og birta myndbönd sem sýna hana á grófan hátt í kynferðislegum athöfnum.

Stephen neitar þessum ásökunum og sagði í samtali við TMZ þegar þær voru bornar upp á hann að hann hefði aldrei heyrt um þetta áður.