Barnamenningarhátíð sett á morgun
Barnamenningarhátíð verður sett á morgun með pomp og prakt í Hörpu og þá verður lagið Ekki gleyma eftir Sölku Sól flutt af tónlistarkonunni og 1.600 fjórðu bekkingum sem tóku þátt í að semja það.
Salka Sól syngur og semur lagið, textann samdi hún í samstarfi við fjórðu bekkinga í Reykjavík.
Um bakraddir í myndbandinu sjá Bjarmi Kristinsson, Daníela Hjördís Magnúsdóttir og Kolbrá Una Kristinsdóttir.
Upptaka og hljóðblöndun er í höndum Gnúsa Yones.
Barnamenningarhátíð verður í gangi dagana 25. – 30. apríl næstkomandi og má finna allar upplýsingar um viðburði á heimasíðu hátíðarinnar.
Facebook notendur eru hvattir til að skipta um prófílmynd þá daga sem barnamenningarhátíð stendur yfir og setja mynd af sér sem barni/unglingi með merkingunni #barnamenning.