Ætla að eyða lífinu saman þrátt fyrir að dómstólar hafi reynt að stía þeim í sundur
Mæðgin sem eru yfir sig ástfangin af hvort öðru ætla að eyða lífinu saman þrátt fyrir að dómstólar hafi reynt að koma í veg fyrir ástarsambandið. Þá hafa þau fundið fyrir miklum fordómum og orðið fyrir árásum, líkamlegum og andlegum, þar sem þau búa.
Þau segja að þeim þyki fyrirkomulagið alls ekkert skrítið og ætla að berjast fyrir því að samband þeirra verði viðurkennt.
Monica Mares og Carlos Peterson voru tilkynnt til yfirvalda í Nýju Mexíkó í Bandríkjunum á síðast ári fyrir sifjaspell. Nágrannar þeirra í bænum Clovis sögðu til þeirra. Í framhaldi voru þau ákærð fyrir sifjaspell en þar sem þau gengust við brotinu fengu þau þriggja ára skilorðsbundin dóm. Þá verða þau næstu 18 mánuði undir sérstöku eftirliti yfirvalda.
Þá var mæðginunum skipað halda sig fjarri hvort öðru. Monica má heldur ekki koma nálægt hinum börnunum sínum en þau eru samtals 9.
[youtube https://www.youtube.com/watch?v=bZai_Ji3Pk8&w=560&h=315]
Mæðginin ákváðu að segja sögu sína opinberlega til að vekja athygli á samtökunum GSA (Genetic Sexual Attraction) En það eru samtök fólk sem er náskylt og vill geta átt í ástarsambandi án þess að það teljist ólöglegt.
[youtube https://www.youtube.com/watch?v=C71jpf6WkDs&w=560&h=315]
Þegar Monica var aðeins 16 ára fæddi hún Carlos. Stuttu síðar var hann gefinn til ættleiðingar. Þau hittust svo aftur í fyrsta skipti árið 2015 en Carlos hafði upp á móður sinni í gegnum Facebook.
Suttu síðar flutti Carlos til móður sinnar. Viku eftir að þau byrjuðu að búa saman byrjuðu tilfinningarnar að breytast. „Það hafði enginn hugsað svona vel um mig áður. Ég get ekki ákveðið af hverjum ég verð ástfanginn“ sagði Carlos í viðtali um samband þeirra.
Þá segir Monica í sama viðtali að ást þeirra sé svo sterk að hún myndi með glöðu geði gefa hin börnin sín upp á bátinn ef það þýddi að þau tvö fengju að vera saman. Þau ætla að leita allra leiða til að fá að vera saman þrátt fyrir mikið mótlæti í samfélaginu þar sem þau búa.
