Nokkrum sekúndum eftir að þessi ljósmynd var tekin var fyrirsætan látin

Æðsti draumurinn hennar var að verða fyrirsæta

Æðsti draumur Fredzaniu Thompson var að verða fyrirsæta. Hún þráði það svo heitt að fjölskylda hennar studdi Fredzaniu heilshugar þegar hún setti námið í pásu og reyndi allt til að koma sér á framfæri í bransanum.

Síðastliðinn föstudag var Fredzania í myndatöku á lestarteinum í Navasota í Texas þegar lest kom aðvífandi úr gangstæðri átt og keyrði beint á hana með þeim afleiðingum að Fredzania lést.

Um helgina birtu fjölskyldumeðlimir hennar myndina, sem er sú síðasta sem var tekin af Fredzaniu áður en hún lést. Myndin var tekin nokkrum sekúndum áður en hún lenti fyrir lestinni.

Þá greindi kærastinn hennar frá því að andlát hennar hefði verið nánustu fjölskyldu Fredzaniu einstaklega þungbært sökum þess að hún hafi verið ófrísk. „Ég á sjö ára son og fyrir um tveimur vikum hringdi hún í mig og sagði að ég yrði bráðum pabbi aftur. Við vissum þó ekki hversu margar vikur hún var komin.

Yfirmaður öryggismála hjá Navata umdæmi segir í samtali við Buzzfeed að þetta hörmulega slys sýni svart á hvítu af hverju myndatökur á lestarteinum séu aldrei góð hugmynd.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.