Óboðinn gestur hefði getað stolið senunni á laugardaginn
Svala Björgvins stóð uppi sem sigurvegari í Söngvakeppni Sjónvarpsins síðastliðið laugardagskvöld en hún flutti þá lagið Paper af miklu öryggi. Svala greindi frá því á Facebook-síðu sinni á mánudag að hún hrósaði happi yfir að keppnin fór fram um helgina en ekki á mánudaginn. Ástæðan var sú á mánudagsmorgun vaknaði hún „með stærstu bólu ever á hökunni“. Hefði bólan látið sjá sig á laugardaginn væri hætt við að hún hefði stolið sviðsljósinu. Svala hefur ákveðið að nefna bóluna Nínu.