Rithöfundurinn setur verðþróunina í samhengi
Það hefur ekki farið fram hjá nokkrum Íslendingi að fasteignaverð hefur rokið upp á undanförnum misserum. Framboð annar ekki eftirspurn og barist er um hvern fermetra, í það minnsta á höfuðborgarsvæðinu. Rithöfundurinn Andri Snær Magnason setur fasteignamarkaðinn í áhugavert samhengi á Twitter-síðu sinni í dag.
Þar birtir hann mynd af bókinni Ljóðasmygl og skáldarán. Um er að ræða fyrstu bók Andra, sem kom út árið 1995.
„Þessi bók kostaði 1.000 kr. árið 1995 og 7.000 stykki dugðu fyrir 100 fm. Íbúð í Glaðheimum,“ skrifar Andri í færslunni. Ljóst er þó að hann yrði að selja heldur fleiri bækur, á hærra verði, í dag.
„Nú þyrfti að selja 14.000 stykki á 2.500 kr. fyrir sömu íbúð!“
Þessi bók kostaði 1000kr 1995 og 7000 stykki dugðu fyrir 100fm íbúð í glaðheimum. Nú þyrfti að selja 14.000 stykki á 2500 fyrir sömu íbúð! pic.twitter.com/B0uSNyqhlm
— Andri Snær Magnason (@AndriMagnason) March 1, 2017