Svava Rut samdi hugljúft lag um eigin upplifun af því að yfirstíga þunglyndi
„Ég fann að ég var búin að ná tökum á lífinu aftur,“ segir Svava Rut Luckas, 22 ára sálfræðinemi. Árið 2015 samdi Svava hugljúft lag sem fjallar um tilfinninguna sem kom yfir hana þegar hún áttaði sig á því hún væri búin að yfirstíga djúpstætt þunglyndi sem stjórnaði tilveru hennar um langt skeið.
Lagið birtist hér að neðan en Svava samdi það á gítar á meðan hún sigldi í gegnum Laos á báti árið 2015.
„Þarna fann ég svo sterkt að ég var komin aftur, og orðin sjálfri mér lík, eftir að hafa upplifað mjög erfiða tíma.“
Svava var í Afríku og Asíu reisu með vinkonu sinni þegar textinn kom til hennar en hann einkennist af þakklæti.
„Ég skrifaði textann á minna en klukkutíma en í laginu er ég bara að segja hæ aftur við lífið. Ég er komin aftur og ætla ekki að fara neitt. Þetta var svo mögnuð tilfinning
[youtube https://www.youtube.com/watch?v=JVCKCQXMgEg&w=560&h=315]