Brynjar Níelsson vill bumbuna burt og vill komast í Biggest Loser
Þingmaðurinn Brynjar Níelsson hefur komst að þeirri niðurstöðu að langvarandi fýla leiði til mikillar þyngdaraukningar. Í bráðfyndinni færslu á Facebook skrifar Brynjar að nú sé svo komið að hann komist ekki í nokkra flík með góðu móti og verði að grípa í taumana svo hann fái að sofa áfram í hjónarúminu.
Brynjar, sem er húmoristi mikill, segir að hann sé ekki nógu agaður og staðfastur í baráttunni við vambarpúkann og veltir fyrir sér hvort mögulegt væri að komast að í Biggest Loser. „Kannski dygði að einhver stjórnsöm „stóra systir“ ræki mig áfram í ræktinni.“
Enginn skortur er á hollráðum frá Facebook-vinum Brynjars, meðal annars að hann fái sér hund svo hann neyðist til að fara út að hreyfa sig. Brynjar jarðar slíkar hugmyndir jafnóðum og sér sæng sína uppreidda:
„Ég myndi bara labba með hann á Bæjarins bestu og við kæmum sílspikaðir heim.“
Færslu Brynjars má sjá hér fyrir neðan: