Björn sáttur við „Síðasta Jeddinn“: „Gildi andlegra verðmæta andspænis vélmennum“

Björn Bjarnason og Logi Geimgengill.
Björn Bjarnason og Logi Geimgengill.

Björn Bjarnason, fyrrverandi menntamálaráðherra Sjálfstæðisflokksins, lýsir yfir velþóknun á nýjustu Star Wars kvikmyndinni, The Last Jedi, á bloggi sínu. Björn hefur þýtt nafn myndarinnar sem „Síðasti Jeddinn“ þó Jedi hafi á sínum tíma verið þýtt sem væringi.

Greining Björns á þemu og merkingu myndarinnar er athyglisverð. „Enginn þarf að efast um tökin sem kvikmyndagerðarmennirnir hafa á tækninni til að sýna hluti á einstakan hátt. Mannlegi og tilfinningalegi þáttur myndarinnar innan stórbrotinnar tæknilegrar umgjarðar er ekki síðri, þar sem lögð er áhersla á nauðsyn þess að leita sér skjóls á friðsömum stað, draga sig í hlé og safna kröftum til nýrra átaka,“ skrifar Björn.

Hann segir enn fremur að boðskapur myndarinnar sé aukin áhersla á andleg málefni andspænis tækni: „Þetta er í anda þeirrar bylgju sem nú gengur yfir heim vestrænna manna og birtist í meiri áherslu á hugleiðslu og gildi andlegra verðmæta andspænis vélmennum og gervigreind. Sé horft á myndina með þetta í huga og áhersluna sem lögð er á innri orkuna og vald yfir henni fær hún aðra vídd en birtist í allri tækninni og brellunum sem gera má í krafti hennar.“

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.