Fyrsti þáttakandinn með Downs heilkenni slær í gegn í keppninni Ungfrú Ameríka

Ljósmynd/ABCNEWS.
Ljósmynd/ABCNEWS.

Hin 22 ára gamla Mikayla Holmgren er sannkallaður brautryðjandi en hún er fyrsta konan með Downs heilkenni sem hefur þátt í keppninni um titilinn Ungfrú Ameríka. Mikayala tók þátt í undankeppninni í Minnesota fylki nú á dögunum og vakti þar mikinn fögnuð.

Mikayla kemur frá bænum Stillwater í Minnesota og hefur frá barnsaldri elskað dans og sviðsljósið. Hún stundar nám í háskóla, er sjálfboðaliði á barnaspítala og tekur einnig virkan þátt í starfi samtaka sem hjálpa fötluðum og þroskahömluðum einstaklingum að öðlast tæki og tól til að takast á við lífið. Hún hefur áður tekið þátt í sérstakri fegurðarsamkeppni í Minnesota fyrir konur með þroskahamlanir og var það langþráður draumur að taka þátt í keppninni um Ungfrú Ameríku.

„Ég er talskona einstaklinga með Downs heilkenni. Ég vil að heimurinn viti að Downs heilkennið er ekki það sem skilgreinir mig sem persónu,“ ritaði Mikayla á Gofundme söfnunarsíðu sem komið var á laggirnar í tengslum við þáttökuna hennar í keppninni.

Ljósmynd/Instagram.
Ljósmynd/Instagram.

Sandi Holmgren, móðir Mikaylu segir það hafa komið á óvart að fá jákvætt svar frá aðstandendum keppninnar. „Hún er brautryðjandi. Hún á eftir að tala máli einstaklinga sem vita ef til vill ekki sjálfir hvernig þeir eiga að bera sig að í lífinu.“

Þá segir faðir hennar, Craig Holmgren að inntökunefnd keppninnar eigi skilið lof fyrir að líta fram hjá hefðbundinni staðlímynd fyrir fegurðarsamkeppnir.

Ljósmynd/Globalnews
Ljósmynd/Globalnews

„Þau eiga hrós skilið fyrir að líta á hlutina í víðara samhengi, taka til greina það sem hún hefur fram að færa og ákveða að kýla á þetta.“

Á lokakvöldinu tók Mikayla við verðlaunum í flokknum „Miss Minnesota USA Spirit Award“ þar sem persónuleiki hennar og nærvera þykir lýsa vel þeirri ímynd sem Ungfrú Ameríka stendur fyrir en gríðarleg fagnaðarlæti brutust út í salnum þegar nafn hennar var lesið upp.

Ljósmynd/Ibtimes.
Ljósmynd/Ibtimes.

„Þú færð fólk til að brosa í hvert sinn sem þú brosir, hlærð eða dansar. Þú fangar anda keppninnar með því að vera alltaf samkvæm sjálfri þér,“ kom meðal annars fram í umsögn dómnefndarinnar.

Aðstandendur keppninar um Ungfrú Minnesota hafa áður hlotið lof fyrir að samþykkja þáttakendur sem eru hluti af minnihlutahópi en á síðasta ári var Halima Aden fyrsta stúlkan sem tók þátt í keppninni íklædd hijab slæðu múslimakvenna.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.