Britney Spears fékk rúma milljón fyrir þessa mynd sem hún málaði

Britney eyðir frítíma sínum meðal annars í að mála myndir.
Að mála Britney eyðir frítíma sínum meðal annars í að mála myndir.

Tónlistarkonunni Britney Spears er greinilega margt til lista lagt en fyrir skemmstu seldist vatnslitamynd eftir hana á tíu þúsund Bandaríkjadali, rúma eina milljón króna.

Britney er án nokkurs vafa ein allra vinsælasta poppstjarna síðustu tuttugu ára eða svo en hún virðist einnig vera nokkuð lagin við að mála myndir.

Myndin sem um ræðir var seld á uppboði fyrir skemmstu til stuðnings fórnarlömbum skotárásarinnar í Las Vegas í október síðastliðnum. Myndin er litrík og sýnir blóm sem eiga að tákna nýtt upphaf.

Britney Spears er talin hafa þénað rúmar tvö hundruð milljónir Bandaríkjadala á tónlistarferli sínum.

Þessi ágæti maður borgaði rúma milljón fyrir myndina.
Listaverk Þessi ágæti maður borgaði rúma milljón fyrir myndina.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.