Eminem skýtur á Donald Trump a grimmilegan hátt í nýjasta myndbandi sínu

Rapparinn Eminem skaut föstum skotum á Donald Trump Bandaríkjaforseta á BET verðlaunaafhendingunni í gær. Í laginu sem stóð yfir í fjóra og hálfa mínútu fékk Trump það óþvegið frá tónlistarmanninum.

Eminem kallaði forsetann 94 ára gamlan rasista og ásakaði hann um að sýna hernum vanvirðingu. Myndbandið sem rapparinn tók upp kallast The Storm eða Stormurinn og í því telur hann upp margar ástæður þess að hann hati forseta landsins.

Ekki nóg með að Eminem talaði niður til forsetans þá skaut hann einnig á fylgjendur hans og segir undir lokin að ef einhver aðdáandi hans sé fylgjandi forsetanum þurfi hann að velja og hafna. Segir hann að ef aðdáendur hans geti ekki ákveðið hvorum þeirra þeir vilji standa með þá muni hann gera það fyrir þá með orðunum „Fuck you“.

Myndbandið hefur gengið eins og eldur í sinu um Internetið og hafa margir frægir einstaklingar lofað Eminem fyrir það á Twitter.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.