„Undanfarnar fjórar vikur hefur Emil mætt Inter, Róma, Empoli og svo núna um helgina er það AC Milan. Hvergi í fjölmiðlum er minnst á að þessir leikir standi til,“ segir Ása María Reginsdóttir, eiginkona Emil Hallfreðssonar landsliðsmanns og leikmanns Udinese í Seríu A – á Ítalíu en hún telur Emil ekki fá þá umfjöllun í fjölmiðlum sem hann eigi skilið.
Þetta kemur fram á vef 433.is en Ása María ritaði færslu á facebook á dögunum þar sem hún sagði miður að þau afrek Emils á fótboltavellinum hafi ekki verið gert hærra undir höfði í íslenskum miðlum. Hún tekur frma að aðstæðurnar hjá Udiense séu með þeim allra bestu, og þá sé ítalska deildin eins sú sterkasta í heimi.
„Emil hefur misst af nokkrum leikjum vegna meiðsla en annars er hann annað hvort í byrjunarliðinu eða komið inn á snemma í seinni hálfleik. Udinese er frábær klúbbur með aðstæður eins og þær gerast bestar. Glæsilegur og nýr heimavöllur, topp æfingaraðstaða, 12 sjúkraþjálfarar ( í öðrum liðum eru 4-5 max), SPA með öllum mögulegum gufum og kæliböðum og 5* mötuneyti fyrir leikmenn og fjölskyldur þeirra.“
Þá segir hún Emil hafa náð þessum glæsta árangri þegjandi og hljóðlaust.
„Ég er ekki að vorkenna okkur fyrir þá litlu = engu umfjöllun sem atvinnumannaferill Emils fær. Mér þykir bara svo miður að ungir íþróttamenn heyri ekki af hans afrekum því betri fyrirmynd innan vallar sem utan er vandfundin.“