Ragnhildur Steinunn Jónsdóttir, Annie Mist Þórisdóttir, Björgvin Páll Gústavsson, Jón Jónsson, Saga Garðarsdóttir og Þorvaldur Davíð Kristjánsson taka þessa dagana þátt í árvekniátaki Krafts, stuðningsfélags fyrir ungt fólk með krabbamein og aðstandendur þeirra.
Athygli vekur að stjörnurnar eru allar sköllóttar en þetta var gert með hjálp tölvutækni. Kraftur hefur boðað til vitundarvakningar um ungt fólk og krabbamein en félagsmenn Krafts eru einstaklingar á aldrinum 18 til 40 ára sem greinst hafa með krabbamein og aðstandendur þeirra.